காலந்தவறாதீர்கள்.
குறைந்த வேலையாயினும்
நேரத்தோடு பூர்த்தி செய்யுங்கள்.
வேலையைச் சுறுசுறுப்புடன் ஆரம்பித்து விடுங்கள்.
பதட்டமில்லாமல் வேலையில் கவனம் செலுத்துங்கள்.
முகத்தில் கவலைக்குறி இல்லாமல் மகிழ்ச்சியான
உற்சாகமான தோற்றத்தோடு இருங்கள்.
சக்தியை மற்றவர்களோடு பேசி விரயமாக்காதீர்கள்.
தேவையின்றிப் பேசுவதைத் தவிர்க்க முயலுங்கள்.
வேலையைச் சுத்தமாகச் செய்யுங்கள். முழுமையாகச்
செய்யுங்கள். திருப்தியாகச் செய்யுங்கள்.
தவறு செய்வது மனித சுபாவம் என்று பேசிக்
கொண்டிருக்காதீர்கள். மன்னிக்கும் தெய்வ சுபாவம்
கொண்டவர்கள் இல்லாமல் போகலாம்.
வருகின்றவர்களிடம் இனிமையாகப் பழகுங்கள்.
அவர்களின் தேவைகளைத் தெரிந்து கொள்ள முயற்சி
செய்யுங்கள்.
சம்பந்தப்பட்ட எதையும் தீர்க்கமாகப் படிக்காமல்
முடிவுக்கு வராதீர்கள்.
நீங்கள் வேலை செய்வதை எப்போதும் யாரோ
கவனித்துக் கொண்டிருப்பதாக எண்ணியே வேலை
செய்யுங்கள்.
நீங்கள் செய்கின்ற வேலையில் சிறப்பான கவனம் செலுத்த
அது உதவியாக இருக்கும்.
“வெற்றி பெற சிறந்த வழிகள்’ தொகுப்பிலிருந்து.
