பொன்னேரி மீன்வளக் கல்லூரியில் இளங்கலை மீன்வளப் பட்டப்படிப்பு

பிளஸ் 2 முடித்தோர், பொன்னேரி மீன்வளக் கல்லூரியில், இளங்கலை மீன்வளப்
பட்டப்படிப்பு - பி.எப்.எஸ்.ஐ.,யில் சேரலாம்; ஆராய்ச்சிக்கான சிறந்த
கட்டமைப்பு வசதிகளும் உள்ளதாக, கல்லூரி முதல்வர் தெரிவித்துள்ளார்.
தமிழ்நாடு மீன்வளப் பல்கலையின் கீழ், பொன்னேரியில் மீன்வளக் கல்லூரி
உள்ளது; இங்கு பி.எப்.எஸ்.சி., எனப்படும், இளங்கலை மீன்வளம் என்ற
பட்டப்படிப்பு உள்ளது; இதில், ஆண்டுதோறும், 20 மாணவர்கள்
சேர்க்கப்படுகின்றனர்.
இதுகுறித்து, கல்லூரி முதல்வர் வெளியிட்டுள்ள அறிவிப்பு:
மீன்வளம் படிப்போர், மீன்வளத் துறையில் மீன்வள ஆய்வாளர், மீன்வள சார் -
ஆய்வாளர் பணிகளில் சேரலாம்; மீன் மற்றும் இறால் பண்ணை நிர்வகித்தல்
மற்றும் சுய தொழிலும் ஈடுபடலாம். கல்லூரி, சென்னை அருகே அமைந்துள்ளது.
பழவேற்காடு ஏரி, 15 கி.மீ., தூரத்தில் உள்ளது; இதனால், நன்னீர், உவர்நீர்
சார்ந்த ஆராய்ச்சிகள் மேற்கொள்ள உகந்த இடமாக அமையும்; சிறந்த
உட்கட்டமைப்பு வசதிகளும் உள்ளன.
மீன்வளப் படிப்புக்கான விண்ணப்பங்கள், மே 15ம் தேதிக்கு மேல்
வழங்கப்படும். இதுபற்றிய
விவரங்களை,www.tnfu.ac.in,www.iftponneri-tnfu.org/index.php என்ற
இணையதளத்தில் தெரிந்து கொள்ளலாம். இவ்வாறு, அவர் தெரிவித்துள்ளார். இந்த
கல்லூரியில், முதுநிலை மீன்வளப் படிப்பான, எம்.எப்.எஸ்.சி.,யும் உள்ளது
குறிப்பிடத்தக்கது.
The Dean (i/c)
Institute of Fisheries Technology
Ponneri – 601 204
Thiruvallur district
Phone: 044 - 27971556
www.iftponneri-tnfu.org/index.php